വാഗമൺ മലനിരകൾക്ക് മുകളിലൂടെ ഒരു പക്ഷിയെ പോലെ പറക്കാം...

പുതിയൊരു യാത്ര പ്ലാൻ ചെയുന്ന തിരക്കിലായിരുന്നു എന്റെ റൂം മേറ്റ് ജെറിൻ, അവൻ ഇപ്പോൾ കമ്പ്ലീറ്റ് ട്രിപ്പ് മോഡിൽ ആണ്. നവംബറിൽ ദുബായി ട്രിപ്പ് കഴിഞ്ഞ അവനു അടുത്ത ട്രിപ്പ് ഒരു വ്യത്യസ്തമാക്കണം എന്ന ആഗ്രമായിരുന്നു. അതുകൊണ്ടു തന്നെ ഒരു സാഹസികത നിറഞ്ഞ ഒരു യാത്ര പ്ലാൻ ചെയ്യാൻ തീരുമാനിച്ചു. അപ്പോഴാണ് മറ്റൊരു ഫ്രണ്ട് ഡാജോ വഴി വാഗമൺ പാരാഗ്ലൈഡിങ്ങ്നെ പറ്റി അറിയുന്നത്. അപ്പൊ തന്നെ തീരുമാനിച്ചു അതൊന്നു ട്രൈ ചെയ്യാൻ. ബുക്കിങ്ങും മറ്റും എല്ലാം ചെയ്തത് ഡാജോ ആണ്. Fly Vagamon ടീം ആണ് ഗ്ലൈഡിങ് സംഘടിപ്പിക്കുന്നത്. അവരെ നേരിട്ട് വിളിച്ച ഡീറ്റെയിൽസ് എല്ലാം ചോദിച്ചു. പിന്നെ അഡ്വാൻസ് കൊടുത് ഞങ്ങ്ൾ 5 പേര് ബുക്ക് ചെയ്തു. ഫെബ്രുവരി 18 നു രാവിലെ 11 മണിക്ക് ഫ്ലൈ ചെയ്യാൻ ഉള്ള സ്ലോട്ട് കിട്ടി.

പക്ഷെ ഒരാഴ്ച മുൻപ് ഞങ്ങളെ നിരാശയിലാക്കി Fly Vagamon ടീമിൽ നിന്നും ഒരു കാൾ വന്നു. കാറ്റ് കൂടുതൽ ആയത്കൊണ്ട് Feb 18 നു ഗ്ലൈഡിങ് നടത്താൻ പറ്റില്ല, 19 നു ഫ്ലൈ ചെയ്യാൻ അമ്പതു ശതമാനം മാത്രം ചാൻസ് ഉള്ളു. അത് ഞങ്ങളെ ശെരിക്കും നിരാശരാക്കി. പിന്നെ അടുത്ത ആലോചന പോകണോ വേണ്ടയോ എന്നായി. ഒടുവിൽ രണ്ടും കൽപ്പിച്ച Feb 17 നു ബാംഗ്ലൂർ നിന്നും പോകാൻ തീരുമാനിച്ചു. അങ്ങനെ വെള്ളിയാഴ വൈകുന്നേരം ബാംഗ്ലൂർ നിന്നും ബസ് കേറി. ശനിയാഴ്ച രാവിലെ 6 മണിക്ക് തൃശൂർ എത്തി. റൂംമേറ്റ് ജെറിന്റെ വീട് തൃശൂർ ആയത് കൊണ്ട് ശനിയാഴ്ച അവിടെ ഫുൾ കറങ്ങാൻ തീരുമാനിച്ചു. 11 മണിക്ക് അവന്റെ വീട്ടിൽ നിന്നും ഇറങ്ങി, യാത്ര തുമ്പൂർമുഴി തൂക്കു പാലത്തിൽ നിന്നും തുടങ്ങട്ടെ എന്ന് കരുതി.

തുമ്പൂർമുഴി തൂക്കു പാലം

ചാലക്കുടിയില് അതിരപ്പിള്ളി വെള്ളച്ചാട്ടത്തിനു സമീപത്തായി സ്ഥിതിചെയ്യുന്ന തുമ്പൂര് മുഴി ഡാം വിനോദ സഞ്ചാരികളുടെ പറുദീസയായി മാറിക്കൊണ്ടിരിക്കുകയാണ്. സില്‍വര് സ്‌റ്റോം, ഡ്രീം വേള്‍ഡ് എന്നീ വാട്ടര് തീം പാര്‍ക്കുകളുടെ ഇടയില് കൊച്ചിയില് നിന്ന് 76 കി. മീറ്റര് അകലെയായി തൃശൂര് ജില്ലയില് ചാലക്കുടി പുഴക്ക് കുറുകെയാണ് ഈ ഡാം സ്ഥിതി ചെയ്യുന്നത്. ഡാമിലെ ജലം കൃഷിക്കും മറ്റാവശ്യങ്ങള്‍ക്കുമായി ഉപയോഗപ്പെടുത്തുന്നു. ഡാമിനോടനുബന്ധിച്ച് തീരദേശത്തായി സ്ഥിതി ചെയ്യുന്ന ചിത്രശലഭോദ്യാനം ടൂറിസത്തില് ഇടം പിടിക്കുന്നതാണ്. തുമ്പൂര് മുഴി ശലഭോദ്യാനവും തടയണയും ആസ്വദിക്കാനെത്തുന്നവര്‍ക്ക് മറുകരയിലെ ഏഴാറ്റുമുഖം പ്രകൃതി ഗ്രാമത്തിലേക്ക്കടക്കാനായി പുഴക്കുകുറുകെയുള്ള മാര്‍ഗ്ഗമായി തൂക്കുപാലം ഉപയോഗിക്കാം. ചാലക്കുടിപ്പുഴയുടെ സൗന്ദര്യം ഒത്തു ചേര്‍ന്നിടത്താണ് തൂക്കുപാലം. ജില്ലയിലെ ഒന്‍പതാമത്തെയും കേരളത്തിലെ 34-മത്തെയും തൂക്കുപാലമാണ് തുമ്പൂര് മുഴി പാലം ഇരുകരകളിലും വലിയ ഇരുമ്പു വടങ്ങള് ഘടിപ്പിച്ചാണ് പാലം നിര്‍മ്മിച്ചിരിക്കുന്നത്. ഒരേസമയം 1200 പേര്‍ക്ക് കാഴ്ച്ചകള് കാണാനുള്ള സൗകര്യമുണ്ടെങ്കിലും സുരക്ഷാ കാരണങ്ങളാല് 500 പേര്‍ക്കു ഒരേസമയം പ്രവേശനം ലഭിക്കും .24 മീറ്റര് ഉയരവും 185 മീറ്റര് നീളവും 1.5 മീറ്റര് വീതിയുമാണ് തൂക്കു പാലത്തിനുള്ളത് . 5 കോടി രൂപ ചെലവില് നിര്‍മ്മിച്ചപാലത്തിന്റെ നിര്‍മാണ ചുമതല കെല്ലിനായിരുന്നു.

തൂക്കു പാലം കണ്ടതിനു ശേഷം നേരെ വാൽപ്പാറ റൂട്ടിൽ കുറച്ചു ദൂരം പോയി. വേനൽ കാലം തുടങ്ങിയതേ ഉള്ളു എങ്കിലും മരങ്ങൾ മുഴുവനും ഉണങ്ങി നിൽക്കുന്ന അവസ്ഥായിലായിരുന്നു. പോകുന്ന വഴിയിൽ പ്രകൃതി ഭംഗി കണ്ട ഒരു സ്ഥലത്തു വണ്ടി നിർത്തി ഇറങ്ങി. ഏതാനും ഫോട്ടോകൾ എടുത്ത ശേഷം നേരെ അതിരപ്പിള്ളി വാഴച്ചാൽ വെള്ളച്ചാട്ടം കാണാൻ വണ്ടി തിരിച്ചു. മഴക്കാലം അല്ലാത്തതിനാൽ വെള്ളം തീരെ കുറായിരിക്കും എന്ന് കരുതിയത്. എന്നാൽ സഞ്ചാരികളെ ഒട്ടും നിരാശപ്പെടുത്താത്ത രീതിയിൽ ആയിരുന്നു വെള്ളച്ചാട്ടം. മഴക്കാലത്തിന്റെ അത്ര പ്രൗഢി ഇല്ലെങ്കിലും മനോഹാരിതക്ക് ഒട്ടും കുറവ് വരാത്ത രീതിയിൽ ഞങ്ങൾക്ക് ആസ്വദിക്കാൻ കഴിഞ്ഞു.ഒരു ഹിന്ദി സിനിമയുടെയും, തമിഴ് സിനിമയുടെയും ഷൂട്ടിങ് നടക്കുന്നുണ്ടായിരുന്നു അവിടെ. അതിരപ്പിള്ളിയിൽ നിന്നും 6 മണിക്ക് തിരിച്ച ഞങൾ രാത്രി 9 മണിക്ക് തൊടുപുഴയിൽ ഉള്ള എന്റെ വീട്ടി എത്തി.

February-19 ഞായർ
രാവിലെ 8:15 നു വീട്ടിൽ നിന്നും യാത്ര തുടങ്ങിയ ഞങൾ 10:15 നു വാഗമൺ suicide point എത്തി.വാഗമൺ ടൗണിൽ നിന്നും 7 km അകലെ ആണ് suicide point. ഞങ്ങളോട് 10:30 നു എത്താൻ ആയിരുന്നു fly waga ടീം പറഞ്ഞത്. Tourisam department 50 കോടി മുതൽ മുടക്കി ഒരു പാർക്ക് പണിയാൻ ഉള്ള പ്രൊജക്റ്റ് നടന്നു കൊണ്ടിരിക്കുകയായിരുന്നു.
റോഡിൽ നിന്നും ഏകദേശം ഒരു 2 km off road പോയാൽ paragliding നടക്കുന്ന സ്ഥലത്തു എത്താം.വാഹനത്തിനു പ്രത്യേക എൻട്രി ഫീസ് ഉണ്ട്. കാറുകൾക്ക് പോകാൻ ഇത്തിരി ബുദ്ധിമുട്ട് ഉള്ള വഴിയാണ്. വെയിൽ കൂടുതൽ ആയത് കൊണ്ടും നടക്കാൻ ഉള്ള മടി കൊണ്ടും ഞങൾ കാർ അകത്തേക്ക് കേറ്റിക്കൊണ്ടുപ്പോകാൻ തീരുമാനിച്ചു. ആദ്യ 1 .5 km റോഡ് വളരെ മോശമായിരുന്നു. ഒടുവിൽ ഞങ്ങൾ സ്പോട്ടിൽ എത്തി.

അവിടെ എത്തിയപ്പോൾ ഞങ്ങൾ വീണ്ടും നിരാശരായി കാരണം കാറ്റ് വീശുന്നത് opposite ഡിറ്റക്ഷന് ആയത് കൊണ്ട് ഇപ്പോൾ fly ചെയ്യാൻ പറ്റില്ല. കാറ്റിന്റെ ദിശ അനുകൂലമാകുന്നത് വരെ കാത്തിരിക്കണം. ആ സമയത് അവിടെ ഒന്നു കറങ്ങാൻ തീരുമാനിച്ചു. വെയിലിന്റെ ചൂട് കൂടി വരുന്നത് കൊണ്ട് അധിക ദൂരം നടന്നില്ല. കൂടുതൽ ദൂരത്തേക്ക് പോകാൻ സെക്യൂരിറ്റി ജീവനക്കാർ സമ്മതിച്ചില്ല, കാരണം രണ്ട് ആഴ്ച മുൻപ് ഒരാൾ അവിടെ നിന്ന് താഴേക്ക് ചാടി suicide ചെയ്തു. അതിനു ശേഷം അവിടേക്ക് ആരെയും കടത്തി വിടുന്നില്ല. പ്രതീക്ഷയോടെ ഞങ്ങൾ കാത്തിരുന്നു. ഒരുവിൽ 1 മണി ആയപ്പോഴേക്കും കാറ്റിന്റെ ദിശ ഏകദേശം അനുകൂലമായി വന്നു. ടെസ്റ്റ് ചേട്ടൻ വേണ്ടി ഒരു ഗ്ലൈഡർ ആദ്യം പറന്നു നോക്കി. പക്ഷെ അയാൾക്ക് ഉദ്ദേശിച രീതിയിൽ കണ്ട്രോൾ ചെയ്യാൻ പറ്റിയില്ല. സാധാരണ രീതിയിൽ പറക്കുന്ന സ്ഥലത്തു തന്നെ ആണ് land ചെയ്യാറ്. പക്ഷെ ഈ ഗ്ലൈഡർക്ക് മുകളിക്ക് പറന്നു പൊങ്ങാൻ സാദിച്ചില്ലാത്ത കൊണ്ട് താഴെ ഏന്തയാർ പോയി ലാൻഡ് ചെയേണ്ടി വന്നു. ഇതുകണ്ടപ്പോൾ ഞാങ്ങൾക്ക് അൽപ്പം പേടി ആയി. എന്നാലും ഫ്ലൈ ചെയ്യാൻ തന്നെ തീരുമാനിച്ചു .ഞങ്ങൾ 6 പേരുണ്ടായിരുന്നു. അച്ഛനും ഞങ്ങളുടെ ഒപ്പം ഉണ്ടായിരുന്നു. fly ചെയ്യാൻ വേണ്ടി വന്നതായിരുന്നെങ്കിലും സമയക്കുറവു മൂലം അത് സാധിച്ചില്ല. ശെരിക്കും അച്ഛനായിരുന്നു ഞങ്ങളെക്കാൾ കൂടുതൽ ഉത്സാഹം. ആദ്യം ജിനോ fly ചെയ്തു , പിന്നെ ജെറിൻ. അടുത്തത് എന്റെ ഊഴം ആയിരുന്നു. ബെൽറ്റും ജാക്കറ്റും എല്ലാം ഇട്ടു റെഡി ആയിട്ടിരുന്നു. ഗ്ലൈഡറും നമ്മുടെ ഒപ്പം ഉണ്ടാകും, അവരാണ് എല്ലാം കണ്ട്രോൾ ചെയുന്നത്. നമ്മൾ ഫ്രീ ആയിട്ട് ഇരുന്നാൽ മതി. ഒടുവിൽ ആ നിമിഷം വന്നെത്തി ഞാൻ ഇതാ പറക്കാൻ പോകുന്നു, 1.....2.....3 റൺ. അങ്ങനെ സൂയിസൈഡ് പോയിന്റിന്റെ അറ്റത് നിന്നും പറന്നു പൊങ്ങി. പറന്ന് പൊങ്ങി കഴിയുമ്പോൾ ആദ്യം കാണുന്ന ഒരു view ഒട്ടും പറഞ്ഞ അറിയിക്കാൻ പറ്റാത്ത വിധം മനോഹരമാണ്. സമയം ഉച്ചക്ക് 2:30 ആയെങ്കിലും ഒട്ടും ചൂട് തോന്നിയില്ല. നല്ല തണുത്ത കാറ്റ് വീശുന്നുണ്ടായിരുന്നു. ഒരു പായ് കപ്പൽ നിയന്ത്രിക്കുന്നത് പോലെ glider ദിശ പതുക്കെ മാറ്റി. ഇപ്പോഴത്തെ കാഴ്ച അതിലും മനോഹരമായിരുന്നു, കാരണം നമ്മൾ പോകുന്നത് തേയില തോട്ടത്തിന്റെ മുകളിലൂടെ ആണ്. താഴെ മുഴുവൻ നല്ല പച്ചപ്പ് നടുവിലായി ചെറിയൊരു കുളവും. Glider കാഴ്ച്ചകളെപ്പറ്റി ചേരിയെ വിവരം തന്നുകൊണ്ടിരുന്നു. താഴെ കാണുന്ന scenary പല സിനിമകളുടെ ലൊക്കേഷൻ ആണ്. ഇയോബിന്റെ പുസ്തകത്തിലെ മാനെ എന്ന പാട്ട് പൂർണ്ണമായും ഇവിടെ ആണ് ചിത്രീകരിച്ചിരിക്കുന്നത്. 20 മിനിറ്റ് പറന്നതിനു ശേഷം അവസാനം ലാൻഡ് ചെയ്തു. വളരെകാലം ആയിട്ടുള്ള എന്റെ ആഗ്രഹം അങ്ങനെ സാധിച്ചിരിക്കുന്നു. എനിക്ക് ശേഷം ഡിജോയും, ഡാജോയും fly ചെയ്തു. അവസാനം 3 മണിക്ക് ഞങ്ങൾ അവിടെ നിന്ന് തിരിച്ചു പൊന്നു.

Paragliding in Wagamon

• കഴിഞ്ഞ 14 വര്ഷം ആയിട്ട് വാഗമണിൽ ടൂറിസം ഡിപ്പാർട്മെന്റ് പാരാ ഫെസ്റ്റ് നടത്തുന്നുണ്ട്.

• ഞങ്ങളുടെ ഫ്‌ളൈ ഓർഗനൈസ് ചെയ്തത് Fly Vagamon team.

• 20 മിനിറ്റ് ഫ്ലൈ ചെയ്യാൻ ഒരാൾക്ക് 3500 രൂപ ആണ് റേറ്റ്. ഓൺലൈൻ വഴി ബുക്ക് ചെയാം അല്ലെങ്കിൽ നേരിട്ട് സ്പോട്ടിൽ വച്ചും രജിസ്റ്റർ ചെയ്യാവുന്നതാണ്.

• fly ചെയുമ്പോൾ ഗ്ലൈഡേർഡും ഒപ്പം ഉള്ളതുകൊണ്ട് ഒട്ടും risky അല്ല.

• സൗത്ത് ഇന്ത്യയിൽ പാരാഗ്ലൈഡിങ് ഉള്ള മൂന്നു സ്ഥലങ്ങൾ ഗോവ, പൂനെ, വാഗമൺ.

• ഫ്ലയിങ് പൂർണമായും കാലാവസ്ഥയെ അനുസരിച്ച ആണ് ഇരിക്കുന്നത്. മെയിൻ സീസൺസ് ഫെബ്രുവരി പകുതി മുതൽ മാർച്ച് അവസാനം വരെ.

കൊല്ലി ഹില്‍സ്; 70 ഹെയര്‍പിന്‍ വളവുകളുമായി ഒരു ചുരം; ‘മരണത്തിന്റെ മല’ മുകളില്‍ കാത്തിരിക്കുന്നത് മനോഹരമായ ആകാശഗംഗ.

പശ്ചിമഘട്ട മലനിരയിലെ വന്യമനോഹര മലയാണ് തമിഴ്‌നാട്ടിലെ കൊല്ലി മല. മരണത്തിന്റെ മലയെന്ന് പേര് ധ്വനിപ്പിക്കുന്ന ഒന്ന്. 70 കൊടിയ വളവുകളുള്ള ചുരം താണ്ടി മുകളിലെത്തിയാല്‍ മനോഹരമായ വെള്ളച്ചാട്ടം ആകാശ ഗംഗ. തമിഴ്‌നാടിന്റെ മധ്യഭാഗത്ത് നാമക്കലില്‍ നിന്ന് 55 കിലോമീറ്റര്‍ അകലെയാണ് കൊല്ലി ഹില്‍സ്. മനോഹരമായ വനമേഖലയ്ക്ക് നടുവിലാണ് പ്രദേശം. സമുദ്രനിരപ്പില്‍ നിന്ന് 1300 മീറ്റര്‍ ഉയരത്തില്‍ സഹ്യന്റെ തലയെടുപ്പായി ഉയര്‍ന്നു നില്‍ക്കുന്നു.

ബൈക്ക് യാത്രികരുടേയും ട്രക്കേഴ്‌സിന്റെയും ഇഷ്ടകേന്ദ്രത്തിലേക്ക് എത്തിപ്പെടാന്‍ കുറച്ചൊന്നുമല്ല കഷ്ടപ്പെടേണ്ടത്. സെന്തമംഗലത്ത് നിന്ന് 30 കിലോമീറ്റര്‍ യാത്ര ചെയ്താല്‍ കൊല്ലി മലയുടെ മുകളിലെത്താം. ഈ മുപ്പത് കിലോമീറ്റര്‍ യാത്രയില്‍ 70 ഹെയര്‍പിന്‍ വളവ്. എല്ലാ 200 മീറ്ററിലും മിക്കവാറും കൊടും വളവുകള്‍.

കാലാവസ്ഥ യാത്രക്കിടയില്‍ മാറികൊണ്ടേയിരിക്കും. കാഴ്ചകളും. യാത്രക്കിടയില്‍ സെമ്മടുവിലെത്തും. അവിടെ ഒരു വാച്ച്ടവര്‍ ഉണ്ട്. ആകാശ കാഴ്ചകള്‍ കാണാം. ചെറിയ വെള്ളച്ചാട്ടത്തിലേക്ക് നീങ്ങും മുമ്പ് അരപ്പാലീശ്വര്‍ ക്ഷേത്രം കാണാം. പിന്നീട് യാത്ര തുടരുമ്പോള്‍ കൊല്ലിപ്പാവെ അമ്മന്‍ ക്ഷേത്രം, മുരുകന്റെ ക്ഷേത്രം തുടങ്ങിയവയും കടന്നു പോകണം. തമിഴ് പഴയകാലകൃതികളായ ചിലപ്പതികാരത്തിലും മണിമേഖലയിലുമെല്ലാം കൊല്ലിമലയെ കുറിച്ച് പ്രതിപാദിച്ചിട്ടുണ്ട്.

രണ്ട് മണിക്കൂര്‍ വേണം ചുരം താണ്ടി ഏറ്റവും മുകളിലെത്താന്‍. കൊല്ലിമലയുടെ മുകളില്‍ ആകാശ ഗംഗ കാത്തിരിക്കുന്നു. രണ്ട് മലകള്‍ക്ക് ഇടയിലൂടെ ആകാശഗംഗ വെള്ളച്ചാട്ടം താഴേക്ക് പതിക്കുന്നു. ചെങ്കുത്തായ ഈ ചെരുവിലെ വെള്ളച്ചാട്ടവും വിശ്വാസവുമായി ബന്ധപ്പെട്ടിരിക്കുന്നു. അറപ്പാലീശ്വരന്‍ ക്ഷേത്രത്തിലെ ശിവന്റെ കാരുണ്യത്താല്‍ ഔഷധഗുണമുള്ള വെള്ളമാണ് താഴേക്ക് വരുന്നതെന്ന് പ്രദേശവാസികള്‍ വിശ്വസിക്കുന്നു.

കാഴ്ചയുടെ കാര്യത്തില്‍ വര്‍ണനാതീതമാണ് ആകാശ ഗംഗയും കൊല്ലിമലയും. അധികം സഞ്ചാരികള്‍ വന്നെത്താത്ത പ്രദേശം. യാത്ര ഇഷ്ടപ്പെടുന്നവര്‍ക്ക് മറക്കാനാവാത്ത അനുഭവങ്ങള്‍ ഒരുക്കി കൊല്ലിമല ഉയരത്തില്‍ കാത്തിരിക്കുന്നു.

ആകാശ ഗംഗ വെള്ളച്ചാട്ടത്തേക്കുറിച്ച്

എല്ലാ വശവും മലകളാല്‍ ചുറ്റപ്പെട്ട അതിമനോഹരമായ വെള്ളചാട്ടമാണ്‌ ആകാശഗംഗ. വിവിധ തട്ടുകളിയുള്ള ഈ വെള്ളച്ചാട്ടത്തില്‍ അയരു നദിയില്‍ നിന്നുള്ള വെള്ളം 300 അടി മുകളില്‍ നിന്നുമാണ്‌ താഴേക്ക്‌ പതിക്കുന്നത്‌. അറപ്പാലീശ്വരര്‍ ക്ഷേത്രത്തിന്‌ സമീപത്തായാണ്‌ ആഗാശ ഗംഗ വെള്ളച്ചാട്ടം. ക്ഷേത്രത്തില്‍ നിന്നും വെള്ളച്ചാട്ടത്തിന്റെ അടിയിലേയ്‌ക്കെത്താന്‍ ആയിരത്തിലേറെ പടികളാണുള്ളത്‌.

കൊല്ലിമലയിലെ വ്യൂ പോയിന്റുകളെക്കുറിച്ച്

കൊല്ലി മലനിരകളിലെ വിനോദസഞ്ചാരം പ്രോത്സാഹിപ്പിക്കുന്നതിനായി സര്‍ക്കാര്‍ വികസിപ്പിച്ചെടുത്ത രണ്ട്‌ വ്യൂ പോയിന്റുകളാണ്‌ സീകുപാറയും സേലര്‍ നാടും. അധികം അറിയപ്പെട്ടു തുടങ്ങിയിട്ടില്ലാത്തതിനാല്‍ ഈ രണ്ട്‌ സ്ഥലങ്ങളും സ്വകാര്യത എറെയുള്ളതും മലീനകരണം വളരെ കുറഞ്ഞതുമായ സ്ഥലങ്ങളാണ്‌.

വേനല്‍ക്കാലത്ത് പോകാന്‍ പറ്റിയ സ്ഥലം

കൊല്ലി മല ഏത്‌ സീസണിലും സന്ദര്‍ശന യോഗ്യമാണ്‌. വര്‍ഷകാലത്ത്‌ സന്ദര്‍ശനം ഒഴിവാക്കുന്നതായിരിക്കും ഉചിതം. മഴ ചിലപ്പോള്‍ പ്രകൃതി ഭംഗി ആസ്വദിക്കുന്നത്‌ തടസ്സപ്പെടുത്തിയേക്കും. എല്ലാ ഘടകങ്ങളും പരിഗണിക്കുകയാണെങ്കില്‍ വേനല്‍ക്കാലമാണ്‌ കൊല്ലി മല സന്ദര്‍ശിക്കാന്‍ ഏറ്റവും അനുയോജ്യമായ സമയം.

കൊല്ലിമലയില്‍ എത്തിച്ചേരാന്‍

റോഡ്‌ മാര്‍ഗം വളരെ എളുപ്പത്തില്‍ കൊല്ലി മലയില്‍ എത്തിച്ചേരാം. ചെന്നൈയില്‍ നിന്നും സേലത്തു നിന്നും ബസുകള്‍ എപ്പോഴും ലഭിക്കും. സേലത്തു നിന്നും ചെന്നൈ, മധുരെ ,ട്രിച്ചി എന്നിവടങ്ങളിലേയ്‌ക്ക്‌ സര്‍ക്കാര്‍ ബസുകളും സ്വകാര്യ ബസുകളും ലഭിക്കും. കൊല്ലി മലയ്‌ക്ക്‌ ഏറ്റവും അടുത്തുള്ള റെയില്‍വെ സ്‌റ്റേഷന്‍ സേലം ആണ്‌.